Loyiha tuzilishi

Loyiha tuzilishi

Kodni tartibli saqlash uchun papkalarni to’g’ri joylashtirish kerak. Har bir narsa o’z joyida bo’lsa, keyinchalik topish va o’zgartirish oson bo’ladi.

Papkalar

Loyihamiz quyidagi ko’rinishda bo’ladi:

notes-api/
├── src/
│   ├── controllers/
│   │   └── noteController.js
│   ├── models/
│   │   └── Note.js
│   ├── routes/
│   │   └── noteRoutes.js
│   ├── config/
│   │   └── db.js
│   └── index.js
├── .env
└── package.json

Har bir papkaning vazifasi

src/ - Asosiy kod

Barcha kodimiz shu papkada turadi. Boshqa fayllar (masalan, package.json) tashqarida qoladi.

controllers/ - Mantiq

Bu yerda API ning asosiy ishi yoziladi. Masalan, eslatma qo’shish, o’chirish kabi amallar.

models/ - Ma’lumot shakli

MongoDB da ma’lumot qanday ko’rinishda saqlanishini shu yerda belgilaymiz. Eslatmaning sarlavhasi, matni va sanasi bo’ladi.

routes/ - Yo’nalishlar

Qaysi manzilga so’rov kelganda qaysi controller ishlashini shu yerda yozamiz.

config/ - Sozlamalar

MongoDB ga ulanish kabi sozlamalar shu yerda turadi.

Asosiy fayl

src/index.js faylini yarating:

const express = require('express');
const dotenv = require('dotenv');
const connectDB = require('./config/db');
const noteRoutes = require('./routes/noteRoutes');
 
// .env faylini o'qish
dotenv.config();
 
// MongoDB ga ulanish
connectDB();
 
const app = express();
 
// JSON formatidagi so'rovlarni qabul qilish
app.use(express.json());
 
// API yo'nalishlari
app.use('/api/notes', noteRoutes);
 
// Serverni ishga tushirish
const PORT = process.env.PORT || 5000;
app.listen(PORT, () => {
  console.log(`Server ${PORT} portda ishlamoqda`);
});

Muhit o’zgaruvchilari

.env faylini yarating:

PORT=5000
MONGO_URI=mongodb://localhost:27017/notesdb

Agar MongoDB Atlas ishlatayotgan bo’lsangiz, MONGO_URI ni Atlas dan oling.

Keyingi bo’limda MongoDB bilan ishlashni ko’ramiz.